擔心 #
《機醫》作為我最鍾意嘅韓劇之一，我係非常之期待佢嘅續作。而《機住》作為《機醫》嘅續作，當時我知道要出嘅時候係有啲意外，我甚至有啲擔心出嚟效果會好令人失望。其一就係之前Netflix先出完一套醫療劇，更甚在於由《回答吧》系列到《機智》系列一直都有好多翻炒嘅成份，小至玩梗大至玩前傳彩蛋甚至劇情。喺呢個context底下好易拍得唔好睇。而到實際睇嘅時候好彩係比我想像中好睇。
放下心頭大石 #
當然我覺得近乎每集都玩《機醫》嘅彩蛋係有啲炒冷飯，但係整體而言都係唔錯睇的。相比起《機醫》，《機住》更加似一套典型嘅韓劇，其一在於劇情結構係一條主線加多條支線，其二在於整體嘅論調同橋段。與其話係《機智》系列嘅續作，更多似係用《機智》系列作為背景嘅衍生作品。即使係咁樣，呢套單獨嚟睇都係一套唔錯嘅韓劇，甚至乎我覺得應該掹走大部份嘅彩蛋，老實講集集都咁出嚟真係有啲煩……
對比《機醫》，值得留意嘅係，《機住》嘅導演同編劇都唔同咗人，我諗呢一樣可能解釋到各方面同《機醫》唔同嘅原因。
《Someday》 #
有一日，聽住《Someday》（《機醫》結局soundtrack）望住個日落，我覺得好可能唔會有第二套劇取代到《機醫》喺我心目中嘅地位。《機住》唔會取替到，往後《機智》系列嘅劇大概都唔會取替到。
