「……遊戲開始。」
前言 #
這篇短評係喺2025年4月寫嘅。喺內容冇變，只係修改格式、用字之後放上嚟《純粹覺得》。
短評嘅緣起 #
喺寫2024總結嘅時候，發現對年頭睇嘅劇／番根本已經冇乜印象，所以決定轉做每個月寫睇完嘅感想，仲因為咁想寫個note taking app。結果個app拖到早排先寫好，而呢幾篇野就拖到而家先開始寫……
劇：《現在撥打的電話》 #
原本見到得12集等我仲好期待，點知完全廢到一個點，明明手語嗰part本來可以發揮吓。劇情上冇咩特別，後面嘅扭橋都係為咗扭橋而扭橋。真係好典型好老土嘅韓劇。因為洪熙珠（女主角）根本就唔係啞嘅，結果佢多數時間都喺度打電話講嘢，所以主題性又係冇乜。
唯一好睇嘅地方就係蔡秀彬（演女主角）。
劇：《魷魚遊戲》第一至二季 #
為咗第二季再由頭睇過。
第一季係唔錯的，但係第一季嘅結局令我覺得第二季完全冇可能好睇，而第二季絕大部份都係冇乜特別。第一季好睇嘅話就係好多人死，但係第二季有經驗加持個個都唔死，有啲位第一季嘅話就已經反左面又冇反。最好睇嘅就係最後一集去反抗。唔知第三季會點。
番：《【我推的孩子】》第一至二季 #
都係為咗第二季由頭睇過。
再睇都係覺得三個女角色對於我嚟講都係冇乜興趣。不過如果你叫我揀嘅話我可能揀有馬。
Aqua嘅復仇路線暫時停擺，不過最後轉做Ruby令我幾期待。再聽首歌印象完全唔同。
劇：《小女子》 #
超級無敵勁好睇！唔知點解以前完全冇聽過！每集都緊張刺激，完全估唔到下一集嘅走向。全程懷疑崔道日有內幕，到最後原來都確實係一個鍾意錢嘅男人。
構圖都好好睇，喺新加坡入院嗰集直程係拍埋我想像嘅構圖出嚟。
只能夠講：果然係tvN！
