番：《盾之勇者成名錄》第一至三季 #
狗也不屌！超後悔冇棄番！要鳩冇鳩，要劇情冇劇情。
番：《BanG Dream! It’s MyGO!!!!!》 #
唔明點解當時咁大迴響，我睇完全冇feel……冇咩特別嘅音樂番。唯獨幾鐘意點題個度，exactly原本係leading to nowhere，而家係we are now and here！一開始已經覺得爽世係 bitch所以冇乜感覺。
劇：《機智牢房生活》 #
又係因為申PD睇。
兩條感情線都唔錯嘅，但整體上就一般般，唔知係唔係因為我睇完《機醫》再睇先係咁？對比之前《回答吧》系列嘅多主線劇情，呢一套比較似返一般嘅一條主線加多條支線。埋尾嘅部份又唔係好知點take好，有啲又好溫馨有啲又相反咁。金濟赫（主角）做返棒球手我覺得又係一般，我係真係覺得放棄嘅話會好睇好多，不過當然難度都會高唔少啦，可能就係因為咁冇咁寫。
劇：《未知的首爾》 #
朴寶英出新劇點可以唔睇啊？
終於係一套冇令我失望嘅短篇，未來嘅感情線就一般，未知嗰條就唔錯。有少少似《精神病房》，不過呢套就冇咁多教育嘅部份，比較多係情感療癒嘅位。雖然我嫌結尾可以再挫敗啲再翻身，不過依家咁都算唔差嘅。
雙胞胎其實都幾多嘢可以玩，但始終冇玩得好好。我又好奇唔知動畫有冇玩雙胞胎嘅番嘅呢？
