劇：《魷魚遊戲》第三季 #
太多bugs，但又未至於爛尾。李名器（大肚婆個ex）真係太廢……節奏而言係緊湊嘅，整體係好睇過第二季，但始終比唔上第一季。都係嗰句嗰：做前傳咪幾好……唔好開續集啦……
劇：《善意的競爭》 #
當初又係見到16集短嘅有啲期待，結果所有嘢都進行得好快。有啲位都幾尷吓，唔知如果轉做動畫會唔會好啲？最好睇我會話係開放日嗰一集。
感情線有時會覺得似係情竇初開嘅中學生寫嘅……
睇姜惠元做戲真係好爽，好似睇住Sana做戲咁！
劇：《健將聯盟》／《Good Boy》 #
因為金所炫而睇，想講其實佢接嘅劇大部份都好一般……原本見到講奧運有啲期待，結果又係用得好差。淨係high嘅位就係第一集，之後嘅打鬥唔同人其實都冇乜太大分別。整體劇情都幾老土吓，冇乜值得睇嘅位。其實我更想睇退役之後點樣轉行發掘其他可能性……
劇：《混沌少年時》／《Adolescence》 #
幾失望吓，見到其他人咁高評價以為好特別，turns out又係完全冇feel。睇唔明一鏡到底到底有咩意義。唯一幾fun嘅位就係啲英國口音同用字。
劇：《Law School》第一季 #
純粹想再睇吓韓劇而翻睇多次。
完咗楊教授單案之後就一般，楊教授成盤棋係精彩嘅，不過始終冇乜feel。但楊教授嘅個人魅力實在太出眾，真係一個好好嘅老師，佢單案審理嘅過程又係好精彩！唔俾姜率B做證人個理由又係好正。
聽聞嚟緊出新一季，唔知堅定流。係嘅話希望唔好太柒。
