戲：《秋天的童話》 #
無咩特別；有啲明嗰種去到外國有人幫嘅感覺；我係覺得一齊都唔會keep得耐；最後想講：個男朋友未免太柒。
番：《頭文字D》(動畫 Stage 1 - 6) #
總算又補完一個童年回憶！第四季小學個陣有買碟返嚟睇，其餘分季嘅動畫都無睇過。頭幾季雖然年份比較早，但係3D動畫同一般作畫嘅部份都完全冇令我出戲！
劇情上最鐘意第二季，又有呀木線，拓海線又唔錯。比賽最好睇都係一戰ek9，二戰blind attack開燈個下都屈機，但其餘都好麻。第一季每次唔係話危險就話贏唔過，第五季直程係插水式下滑，突然間上原美佳（拓海第二個女朋友）出嚟又話一見鍾情，完全唔記得咗夏樹嘅存在！
原本想睇埋《MF GHOST》但而家要諗吓先……《Legend劇場版》好似有改啲劇情，希望唔好太柒！
戲：《頭文字D Legend劇場版》 #
結果原來係劇情上攞咗最精彩嘅部份嚟做，冇修改。雖然製作比較精良，但係感覺冇咗土屋做顧問之後差好遠，例如第一幕慣性飄移竟然冇影腳踏。感覺似係攞嚟銜接《MF GHOST》。
戲：《暗花》 #
喺碼頭揭曉嗰度幾正；最後決鬥都正；就係太多無謂配樂。
戲：《愛神》 #
雖然係因為王家衛（導第一篇：《手》）而睇，但最鍾意嘅始終係有Robert Downey Jr.嘅《夢》！第三篇（《欲》）冇乜感覺，亦係感覺最差。
戲：《英雄本色》 #
感覺就係好以前嘅港產片咁；冇咩好講。
戲：《窄路微塵》 #
永遠都係港產片咁嘅拍法同劇情，拍唔同啲，講唔同啲都好啊。同𡃁妹食飯個度以為睇唔開，等我仲有少少期待。
戲：《致我深愛的每個妳》、《致深愛妳的那個我》 #
幾失望；《僕》（《致我深愛的每個妳》）根本唔應該講《君》（《致深愛妳的那個我》）嘅劇情，我覺得甚至乎唔應該有任何重複嘅畫面；呢個內容量其實做一套長少少嘅戲都夠。最關鍵係你本身已經預設咗有順序嘅話就唔使分開。
戲：《BLUE GIANT 藍色巨星》 #
日常畫得一般呢；始終最撼動到我嘅都係二重奏！
戲：《愛情酒店》／《Love Hotel》 #
電影洞穴系列；啲鏡用得唔錯；啲long take都有啲design；好似有少少印象；扯住睇真係好辛苦。
戲：《五時到七時的琪奧》 #
電影洞穴系列；瞓咗幾次先睇得完；唱歌個幕去到黑色背景幾自然幾正；冇咩感覺冇咩好講。
戲：《法外之徒》 #
電影洞穴系列；似係串荷里活警匪片；一樣冇咩感覺冇咩好講。
戲：《六弄咖啡館》 #
因為想睇自殺情節而返睇；再睇覺得其實都幾爛吓；現在線嗰啲對白真係幾做作同廢；其實唔係愛情片係友情片。臭雞你最好後悔一世！
劇：《愛情怎麼翻譯？》 #
為咗高允貞而睇；完全冇其他地方好睇，最精彩其實就係第一集。
劇：《認罪之罪》 #
有啲似印象中嘅《小女子》，但感覺execute得比較差；可以多啲伏筆；節奏少許慢但唔算差；有啲遠鏡同構圖幾好睇。
劇：《我的出走日記》 #
整體而言幾失望吓。美貞線（主線）感覺係最差嘅，後期具先生（男主角）嘅發展幾無謂下，啲對白又好做作。琦貞（家姐）線咗比較典型韓劇發展，最後曹泰勳（家姐男朋友）講嘅嘢係幾正。昌熙（阿哥）線其實潛力係最高，可惜篇幅放晒喺主線度結果發展得太快。
好多位感覺都冇打燈係幾有趣。
戲：《第七大陸》 #
影唔到主體同好多still shot呢part幾符合我風格；閪迷到極致；感覺太過後設。
戲：《八部半》 #
電影洞穴系列；又係瞓咗幾次先睇得完；感覺係講做電影？最後講嘅嘢都好符合現代嘅狀況。
戲：《班尼的錄影帶》 #
冇之前咁閪迷，睇得幾順下；一開頭Get錯最後係自首。
紀錄片：《殺人凶戲》／《The Act of Killing》 #
唔知係因為豬文劇透定我本身都知呢個世界有幾fuck up，我係冇乜feel嘅。好好奇如果冇劇透會係點。
戲：《大寫特寫》／《Close-Up》 #
電影洞穴系列；就咁睇冇乜感覺，知道係混合咗啲紀錄片成份之後感覺幾有趣。
